Servizzi

Riċerka fis-sala tal-qari

 
Biex tagħżel liema fergħa tal-Arkivji Nazzjonali ta’ Malta (Rabat, Mdina jew Rabat, Għawdex) trid iżżur biex tirriċerka, hu importanti li tkun taf x’suġġett trid tirriċerka. Ir-rekords tal-Qrati għall-perjodu 1530-1899 jinsabu fir-repositorju tal-Imdina. Id-dokumenti amministrattivi l-oħra kollha ta’ wara l-1800 jinsabu fl-Uffiċċju Ewlieni tar-Rabat. Ir-rekords tal-entitajiet Għawdxin jistgħu jiġu kkonsultati fil-fergħa t’Għawdex stess.   ​​


Meta tasal fis-sala tal-qari jekk jogħġbok:

       1.      Uri dokument tal-identità (Karta tal-identità jew passaport)

       2.      Iffirma r-reġistru tal-attendenza

       3.      Ħalli l-basktijiet, kaxxi u pinen fil-lokers ipprovduti

Waqt iż-żjara tiegħek inti mitlub/a issegwi regoli speċifiċi meħtieġa biex jiġu mħarsa d-dokumenti fil-kollezzjonijiet tagħna.

Ma tistax:

       ·         Iġġib ikel u xorb, inkluż ilma,  fis-sala tal-Qari

       ·         Tuża pinen jew kull tip ta’ linka – lapsijiet jiġu pprovduti b’xejn għall-użu tiegħek

       ·         Toħroġ rekords arkivistiċi mill-Kamra tal-Qari jew iċċaqlaq l-ordni oriġinali tal-karti

       ·         Timmarka jew tagħmel xi annotamenti fuq id-dokumenti oriġinali

 

Fis-sala tal-qari issib: 

  • Librerija ta’ referenza li tgħin lir-riċerkatur jaqra dwar il-kuntest tas-suġġett li jkun qed ifittex dwaru;
  • Tagħmir għall-għajnuna fit-tiftix b’għażla wiesgħa ta’ katalgi stampati ;
  • Faċilitajiet għall-ikkupjar;
  • Bank tal-informazzjoni b’għadd kbir ta’ pubblikazzjonijiet u notamenti oħra;
  • Lokers li jissakkru, għall-basktijiet tar-riċerkaturi;
  • Tagħmir għall-preservazzjoni bħal leġiji tal-fowm biex jgħinu fil-ħarsien tad-dokumenti.

Biex ikollok aċċess għall-dokumenti arkivistiċi, għandek timla’ formola biex tordna dokument u  tagħtiha lill-uffiċjal inkarigat. Id-dokumenti mbagħad jinġiebu mill-kmamar tas-sigurtà għal fuq il-mejda. Ir-riċerkaturi jistgħu jitolbu sa għaxar dokumenti kuljum, filwaqt li ma jistax ikollhom iktar minn tlett dokumenti fuq il-mejda fl-istess ħin.

 
 
 
                                      (Manuskritt jiġi meħjut)                             (Manuskritt jitnaddaf b'makna)